كل واحد شاف العنوان يدخل.... لو سمحتو

بسم الله الرحمن الرحيم




قلــــ أدب ـــــة

إنك تروح للمسجد بقميص نوم بينما تروح لربعك بثوب مكوي وطيب يشق الخشم


قلــــ أدب ـــــة

إنك تتصل على ربعك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!! من زينك أنت وصوتك


قلــــ أدب ـــــة

تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب ) (بينما أهلك لويبون مشوار ساعة وحدة قلت : ( الليموزينات واجد )


قلــــ أدب ـــــة

إن اللاعبين والمطربين يكرمون ويغرقون بالخيرات بينما المشايخ ربك يستر


قلــــ أدب ـــــة

إن الواحد يضبط ساعته على الدوام بينما صلاة الفجر مايدري متى وقت أذانها !!!



قلــــ أدب ـــــة

إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بمبلغ زهيد ولو يهديه واحد شريط إسلامي سجل عليه بابا فين


قلــــ أدب ـــــة

اذا جيتي تطلعين لعرس او لصديقاتك تتزينين وتتعطرين واذا جلست عند زوجك تقعدين بوساختك وريحتك بصل



قلــــ أدب ـــــة

ان الوحده تقعد على التلفون ساعه وصلاتها دقيقه


قلــــ أدب ـــــة

اذاطلعت البنت من البيت وهي كاشخه وريحة عطرها واصله اخر الشارع وتقول للشباب لا تلحقوني



قلــــ أدب ـــــة

إن الواحد يشوف ( قلة الأدب ) ولايقول عنها ( قلة أدب )



قلــــ أدب ـــــة

انك تحصل واحد يحترم الناس كلها الا امه او ابوه تلقاه يكلمهم بطرف خشمه :


قلــــ أدب ـــــة

انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتد ر



قلــــ أدب ـــــة
انك تكون جالس في وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك


قلــــ أدب ـــــة
لماتشوف واحد في الشارع وتستصغره ولا تسلم عليه



قلــــ أدب ـــــة

اذا شفت صديقك في ورطه ولاتساعده وانت قادر على مساعدتة


قلــــ أدب ـــــة

اذا قدم لك صديقك خدمه وأنكرت فضله عليك


قلــــ أدب ـــــة
انك تحط سيارتك عند باب جارك ..وعندك مكان ابعد شوي..



قلــــ أدب ـــــة

لما تجلس بمكان عام تتقهوى انت وعيالك..وتقومون وزبايلكم وراكم..

مع ان صندوق الزباله حولك...


قلــــ أدب ـــــة

انك تكون مسئول عن عمل يتوقف اداؤه عليك..وتطنش وتتأخر

ويتحمل الباقين مسئولية اهمالك


قلــــ أدب ـــــة

انك تطولي لسانك على الشغاله..وهي بسن امك..عشان شغله ممكن تسوينها بنفسك

((ليس منا من لم يوقر كبيرنا ))


قلــــ أدب ـــــة

لما ترفعي صوتك بالسيارة ومع السواق وتضحكين وتقهقهين ..وكأنه محرم لكِ

وتكشفين للدكتور عاااادي...وكنه من بقية أهلك وبدون محرم

قلــــ أدب ـــــة


لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسواليف :


قلــــ أدب ـــــة

لما ترفضين شريط اسلامي او كتيب من احد الدعاة..بينما لو أحد اعطاك شريط لمطرب العرب كان ماتدرين شلون تشكرينه


قلــــ أدب ـــــة

عندما نسهرساعه على النت ولانصلي لو ركعة لله


قلــــ أدب ـــــة

انك متعلم وحاصل على شهادة عليا..وماتفقه اقل شي في دينك


قلــــ أدب ـــــة

أنه مانشوف القرآن إلا من الجمعه للجمعة عشان سورة الكهف .

هذا إن كان من الجمعة للجمعة

وأرجو كل واحد قرأ الموضوع أشوف رأيه
شكرا